【期匯決算】油價跌至70美元後或急彈

【Now財經台】倫敦布蘭特期油喺5月收市跌穿每桶80美元，油市今輪Selloff會持續幾耐，就要視乎美伊周五(19日)喺瑞士簽停火備忘錄嘅實際進展，市傳美國總統特朗普(Donald Trump)會即時批准伊朗賣油，霍爾木茲海峽(Strait of Hormuz)亦會即時重開，若報道屬實，油會會跌至咩水平？

獨立外匯商品分析師盧楚仁指，油價有機會再跌，伊朗局勢緩和不利油價，即使美伊仍存在變數，衝突及戰爭都只係油價反彈催化劑，又指反彈過後最終都會跌，加上伊波拉病毒喺非洲進一步蔓延，以及霍爾木兹海峽開通都會令油價進一步下跌。

Jasper又指，當油價跌至70美元水平，投資者就要小心，一來呢個係大位，二來落到呢啲水平已嚴重超賣，所以唔排除跌到70美元後會大反彈，有機會上返80美元。