【名家給力場】海峽係咪順利通航睇實博彩賠率(下)

【Now財經台】美伊達成和平協議消息傳出後，油價持續回落，最新落到每桶80美元樓下，跌至逾3個月低位，油價後市會點行？霍爾木兹海峽(Strait of Hormuz)係咪可以順利通航？

「股市漁夫」創辦人莊志雄指，要通航應該仲有變數，美國總統特朗普(Donald Trump)所講，其實同伊朗嘅回應有分歧，佢認為6月底前，唔好隨便聽信雙方嘅說話，更多應該睇博彩市場嘅賠率係點。

Lewis又話，如果霍爾木兹海峽到7月、8月都仍未復常，對運油及鍊油設施會有影響，市場對復航嘅諗法係中性向好，雖然認為美伊雙方周五(19日)成功簽訂協議，但認為簽完要復航嘅機會就只得57%，要加倍留意賠率嘅變化。

油價方面，佢就話，依家有水雷失蹤，即使之後開通，船隻亦未必願意過，令通航時間再耐咗，如果7月仍然未通，油價會上到100美元，如果完全通航，就會落返80美元以下，但以目前情況估計，油價都會繼續喺70美元至80美元區間上落。