【槓桿致勝】恒指造淡時機未到？

【Now財經台】恒生指數昨日(15日)收市升逾百點，好友昨日趁反彈加倉，有逾2200萬元流入， 淡友亦都有加倉，但流入規模就少咗，有近700萬元。牛熊證方面，牛證重貨區連續3個交易日喺23900點，熊證重貨區就喺25300點。恒指今朝(16日)又跌過，一度挫逾300點，好友入場係咪都唔好揀太貼？淡友又應該點擺位？

胤源世創家族辦公室(香港)第一副總裁黃偉豪指，港股彈力始終比較弱，所以今日又掉頭向下，另一個原因係重磅股表現較差，如果做反彈部署，建議揀收回價23800點、23700點樓下，尤其選擇過夜。

Ravi又指，如果認為大市繼續向下，但現階段造淡有啲尷尬，反而睇下有冇機會等大市彈返高少少，例如接近25000點邊緣，若之後突破唔到，喺呢啲位做熊證部署較合適。