【專家分析】Nvidia大把錢點解仲要Cap水？

【Now財經台】英偉達(Nvidia)加入美國科企巨無霸Cap水行列，相隔5年，Nvidia再度發債，集資200億美元，雖然少過之前嘅Google母公司Alphabet，但集資規模都係近期較大，市場反應亦好熱烈，超額認購幾倍，Nvidia股價昨晚(15日)收市升逾3%，點解連Nvidia都要集資？發債時機又有咩啟示？

高富金融集團投資總監梁偉民認為，企業集資不外乎發股或發債，而市場對發債唔會太擔心，因為Nvidia財政狀況好理想，現金流十分強勁，加上公司負債唔多，認購踴躍都好正常。

至於點解Nvidia要發債，佢指出，雖然集團未來幾年透過股息及回購回饋股東，但錢肯定唔缺，所以呢方面都要留意住，但無論如何都比發股好，因為唔會攤薄每股盈利。