【名家給力場】「18C新股」仙工智能唔難抽？

【Now財經台】「18C新股」仙工智能(06106)今日(15日)起招股，公司從事智能機械人業務，由於循18C章申請上市，須設回撥機制。集團去年收入逾4億人仔，虧損約4700萬人仔，點睇公司前景？散戶值唔值得借孖展認購？

《香港股票財技密碼》作者梁杰文指，仙工嘅機械人有別於一般工業機械人，重點喺「大腦」，即機械人控制器，仙工嘅機械人可因應唔同場景需要，附加配件完成任務，現時仙工機械人大腦控制器喺全球及國內市佔率都係No.1，只要市佔率一直Keep到，將來提供配件服務，可以同客戶深度綁定，會有更大吸引力。

Mike又話，睇返仙工今次招股，估計會較易抽到，原因係設有回撥，公開發售比例最多可增至20%，又預期好大機會觸發回撥機制。

佢續稱，借孖展及槓桿係有機會抽中，但散戶放大認購金額至500萬、600萬元，甚至1000萬元，乙組最多中1至2手，提醒散戶須衡量個人風險承受能力。