【專家分析】「AI泡沫恐慌」成美加息催化劑？

【Now財經台】美國5月就業數據遠超市場預期，令加息預期升溫，加上投資者對人工智能(AI)有疑慮，晶片股遭拋售，美股3大指數上周五(5日)急瀉挫，道指瀉近700點，納指重挫逾4%，錄得逾1年最大跌幅，而費城半導體指數重挫10%，到底今次市場「真係驚」，還是只係借勢獲利？

易方達(香港)資產管理高級策略師譚智樂認為，美國數據一直有利聯儲儲局加息，只係市場焦點之前落喺AI故事上，加上非農數據顯示，美國5月失業率有修正，令市場開始擔心滯脹(Stagflation)問題，認為聯儲局有需要加息。佢又話，近日AI股嘅「鬼故事」令市場憂慮晶片及記憶體需求減少，繼而會Cut單，提醒呢啲因素都有機會發酵，成為加減息藉口。

Arnold續指，經濟現況對比打仗引發嘅經濟衰退仍相差好遠，因此，佢預期，美股短線以反覆橫行為主，長遠就要留意下周議息會議再下定論。