【期匯決算】澳元前景仍可睇高一線

【Now財經台】美匯指數暫時已連升第3日，升至99.3，十國集團(G10)貨幣兌美元全線下跌，其中，澳元排尾3，澳洲今朝(3日)出爐嘅首季國內生產總值(GDP)略低過預期，按季升0.9%，進一步放緩，係咪因為澳洲央行連續加息3次打擊當地經濟？點睇澳元前景？

獨立外匯商品分析師盧楚仁指，澳洲央行之前積極加息，主要係當地通脹持續高企，有加息需要，但呢個都係雙刃劍，遏通脹嘅同時，亦將當地經濟壓咗落去，雖然澳洲經濟持續有增長，但增速明顯放緩。

Jasper估計，唔排除澳洲央行今個月會暫停加息，等經濟數據好轉後，再重新考慮加息，但佢認為，澳元前景仍可睇高一線，但升勢唔會好似之前咁凌厲，但仍較美元可取。