【專家分析】揀美股存儲、通訊股要睇兩樣嘢

【Now財經台】英偉達(Nvidia)創辦人黃仁勳施展「點石成金」魔法，佢點名美國晶片製造商Marvell可以成為下一家萬億企業，刺激喺美國上市嘅Marvell股價昨晚(2日)狂飆逾32%，市值已突破2500億美元，市盈率(PE)飆升至193倍，預測PE則約72倍，呢個「預言」係咪會成真？

泓瀚資本董事盧志威指，半導體市場嘅存儲問題仍可以透過產能解決，但樽頸位逐漸轉移至連接及通訊嘅技術層面，喺有龐大資料需要快速傳輸嘅時代下，市場都傾向揾一啲可以幫手解決問題嘅公司，將成為市場下一個投資焦點。

William又話，雖然未必下季就反映到，但過去半年，半導體板塊走勢好瘋狂，不論存儲或通訊相關股，概念一旦爆發，股價升幅就可以好誇張，所以有資金選擇提早落注都合理。佢建議，投資者揀股時，最好選擇一啲概念處於初期、估值唔係太離譜嘅股份。