【專家分析】宇樹科技招股文件揭隱憂

【Now財經台】英偉達(Nvidia)行政總裁黃仁勳宣布，同內地人形機械人龍頭宇樹科技(Unitree)合作，推出1.8米人形機械人，Nvidia會提供「大腦」，宇樹就提供「身體」，手指部件由總部設於新加坡嘅機械人獨角獸公司Sharpa提供。此外，據官媒報道，宇樹IPO申請已閃電獲批，好大機會喺A股上市。

元宇證券大中華區股票投資總監趙晞文指，睇返宇樹招股文件，集團今年收入增速放慢，又提及同業競爭開始加劇，所以要留意宇樹嘅先發優勢可以持續幾耐。佢又話，今日(2日)港股嘅機械人概念股表現參差，直接生產機器人嘅股份有反應，但相關供應鏈股就走勢分化。

他又提醒，整個產業持續性發展要注意兩點，首先係人形機械人交付量，其次係人形機械人行業產業鏈，以及終端應用後續變現流程，例如後續軟件更新及維護等，可以從中分析係咪可以持續錄得盈利，同埋要睇實宇樹後續發放嘅消息。