【名家給力場】SpaceX上市狂吸金 美股6月有暗湧？(上)

【Now財經台】6月「大事件」除咗世界盃2026及美國聯儲局議息外，SpaceX上市係另一個焦點，集團好大機會成為全球史上最大型IPO，成功上市後勢納入指數，對「科技七雄」(Magnificent 7)有冇影響？

勝利證券首席顧問陳建良表示，現時美股投資氣氛仍然樂觀，市場暫時已Price in咗中東局勢有機會緩和呢個因素，雖然油價持續高企，但投資者對人工智能(AI)、科技嘅熱情完全冇減退跡象，喺資金相對充裕下，估計6月頭一、兩個星期仍會貼住高位行一行。

但KL坦言，再之後嘅走勢就較難預測，因為SpaceX上市始終會吸走唔少資金，好多散戶亦會超前部署，唔想一次過抽到盡，以防公司上市後仲有動作。佢又話，其實見到資金早已部署太空概念股，尤其係商用領域，因為市場對AI嘅需求龐大、發展迅速，相信嚟緊仍會受追捧。