【專家分析】美國暫時冇滯脹風險

【Now財經台】美國首季國內生產總值(GDP)向下修訂至1.6%，而上周新申領失業救濟人數係逾1個月以來最多。此外，美國聯儲局重視嘅個人消費支出物價指數(PCE)，4月按年升幅擴大至3.8%，錄得3年以來最大升幅，核心PCE就升3.3%，係約2年半以來最大升幅。至於個人收入無升跌，儲蓄率就跌至2.6%，或反映美國人要靠儲蓄應付開支。美國出現滯脹(Stagflation)嘅風險有幾高？

艾德金融投資執行董事文錦輝認為，現時美國冇滯脹風險，因為人工智能(AI)概念仍然煞食，可以帶動美國經濟，市場反而更擔心美國息口會比預期高，怕減唔到息之餘，更要掉頭加息。

Felix又話，即使霍爾木兹海峽(Strait of Hormuz)開通，亦唔可以喺短短1至2個月內，解決全球石油短缺問題，石油危機最快年底前才可以紓緩，依家距離年底仲有6個月時間，只要油價維持喺每桶93美元或以上，通脹肯定會高企。