【專家分析】孭重債天利趁股價被踢高CAP水？

【Now財經台】從事積層陶瓷電容業務(MLCC)嘅天利控股集團(00117)，股價已連升第5個交易日，隨著人工智能(AI)伺服器對MLCC嘅需求增加，加上兩家日本MLCC大廠傳出加價消息，刺激股價今日(28日)一度勁升逾53%，高見5.99元，今輪炒作又可以炒幾耐？

耀才證券研究部總監植耀輝認為，由於90%以上投資者完全唔熟悉呢隻蚊型市值嘅天利，所以成交長期低迷，但佢認為，只要市場有其他炒作帶動，就可以吸引投資者追入，繼而炒起股價。

Stanley又話，雖然睇返公司去年業績，手頭現金約4000萬元，但銀行負債高逾13億元，所以天利好大機會趁股價被踢高CAP水。佢提醒，即使MLCC市場好轉，需求又大增，除非公司未來真係有改善，否則，都係小心為上。