【名家給力場】美股有冇「麻煩」睇MOVE index(下)

【Now財經台】美國長債息再衝高，30年期債息迫近5.2厘，環球股市喺高位震盪，現時觸發市場調整最大風險係咪長債息?

「股市漁夫」創辦人莊志雄指，若美國長債息升穿6厘係好大件事，佢估計，美國總統特朗普(Donald Trump)唔會畀呢樣嘢發生，必要時可能會迫聯儲局做Yield Curve Control，即係在市場買入美國長債，但睇返做Yield Curve Control最勁嘅日本，現時30年長債已升穿4厘，犧牲咗日圓及國民購買力，反映Yield Curve Control都唔係咁work。

Lewis又話，可以留意美債期權波動率指數(MOVE Index)，反映整個債市引伸波幅，index抽升就知個市有麻煩，例如2023年矽谷銀行倒閉和2025年嘅「解放日」，而2日前，期權到期日後，MOVE index升穿80警戒線，市場再次提起能源價格，正如先前提及，6月係個危險嘅時間，霍爾木兹海峽(Strait of Hormuz)唔開通，逾千萬桶石油無辦法輸出，唔夠油用令煉油廠有壓力，油價高企，債息和通脹抽升，央行之後可以做嘅嘢有限。佢建議，留意嚟緊MOVE index變化。