【名家給力場】小心美股半導體泡沫6月爆破(下)

【Now財經台】中美元首會面在即，今次會談有美伊戰事背景，近期人民幣升值，對A股係咪有利？

「股市漁夫」創辦人莊志雄指，因為最近多咗美國價值投資者，同埋一啲大戶基金重新審視A股市場，如果貨幣每年穩定升值5%至6%，都唔使話股價升，單係股息回報夾埋已有10%，對外國投資者有一定吸引力。

Lewis又話，除非今次會面傾唔埋欄，如果最後結果出到嚟係正面嘅，相信會吸引更多資金流入A股，因為留意到A股近期表現唔錯，年初至今滬深300指數更跑贏標普500指數，未計股息收入A、H股收益已高過美股。

美股方面，佢又話，依家面臨有泡沫，整體經濟唔可能只由一個產業撐起，對比以往科網、石油泡沫爆破位約30%，半導體已經佔23%，更何況佢只係科技當中一個次產業(Subsector)，下面仲有唔少分支，要睇今次泡沫爆破嘅觸發點係咩，同埋留意6月呢個時間點。