【期匯決算】英鎊可上望1.385水平

【Now財經台】英國地方選舉初步點票結果陸續出爐，改革黨(Reform UK)暫時領先，執政工黨喺多區失利，主流分析預期，如果工黨慘敗，首相施紀賢(Keir Starmer)或面臨下台危機，點睇選舉後政局對英鎊嘅影響？

獨立外匯商品分析師盧楚仁指，市場已預咗今次執政工黨會輸，但情況比預期更誇張，但英鎊掉頭向上，一方面因美元近期見頂回落，帶動非美貨幣普遍回升，另一方面，喺本港時間今日(8日)約下午2時，英國國防大臣賀理安(John Healey)指施紀賢係唔會落台，呢句說話某程度上釋除咗市場對政局嘅疑慮，有利英鎊反彈。

不過，Jasper認為，一旦施紀賢被黨內迫宮落台，英鎊或會輕微受壓，但從另一個角度睇，如果市場覺得施紀賢落台反而帶嚟新希望，英鎊消化完負面因素後，可能會出現反彈，英鎊後市仍可睇高一線，匯價有望挑戰前高位，即1.385水平。