【專家分析】現價分注買天數智芯長揸

【Now財經台】「國產GPU四小龍」之一嘅天數智芯(09903)因為月初獲摩根大通唱好，首次覆蓋已畀「增持」評級，目標價睇620元，主要基於2大因素，就係供應鏈穩定及雲端客戶有突破性發展，依家係咪買入嘅好時機？

亨達財富管理董事總經理姚浩然認為，現階段的確係買貨嘅好時機，雖然天數智芯仍蝕緊錢，但只要未來定單增加，達至規模效益，研發成本對收入佔比就會降低，甚至收入可以覆蓋成本，令公司可以扭虧為盈，雖然呢個過程可能需時，但現時毛利率企穩約50%，已經算係唔錯，所以仍然係市場焦點。

Patrick又話，天數智芯股價之前升得太急，升穿500元關口後，上星期更殺上640元，股價升得太急而出現調整係好合理，股價今日(8日)一度落到531元，已自高位回落咗約100元，估計短期會見530至540元水平，投資者可考慮分段吸納，中長線前景唔錯。