【FINTERVIEW】美股3隻食正AI Agent熱必買股(上)

【Now財經台】美股現時主要熱炒半導體板塊，交易非常擠擁，而相關企業繼續派成績表，其中，AMD第1季每股盈利(EPS)及收入都好過預期，而光通訊Lumentum雖然收入飆90%，但差過預期，半導體股有冇基本因素支持繼續衝高？喺人工智能(AI)產業鏈中，最睇好邊個領域？

金馬資本高級交易策略師蘇沛豐指，美股市寬收窄唔係一個健康嘅現象，但依家未必係捉大市轉角位嘅指標，自2022年開始，雖然美股出現呢啲情況，但仍反覆向上，所以市場整體盈利預測仍支持到股價升幅。

Daniel又話，現時記憶體股最擁擠，相比之下，圖形處理器(GPU)同中央處理器(CPU)板塊就冇咁誇張，市場焦點亦從AI模型訓練轉向人工智能代理(AI Agent)，對CPU嘅需求增加，喺企業持續調高資本開支(CapEx)下，短期仍睇好上游產業，例如晶片及基礎設施，想入場嘅投資者可以考慮AMD、英偉達(Nvidia)，以及近期開始自行研製CPU嘅Arm。