【專家分析】滙控放榜後插水衰冇提回購？

【Now財經台】滙豐控股(00005)今日(5日)中午派咗第1季成績表，稅前少賺1%，差過預期，季度息維持10美仙，主要經營指標之一淨利息收入按年增長7%，滙控股價午後跌勢加劇，挫逾5%，係咪同業績有關？擔唔擔心係一個長跌浪嘅開始？

天風國際李偉傑表示，雖然滙控股價午後插水，但未至於係一個長跌浪嘅開始，只係今次呢份業績欠驚喜，拖累股價今日顯著回套，其實滙控業績唔算差，列賬基準稅前盈利僅略低過預期，收入更高過預期，市場最關注撥備情況，面針對中東局勢不確定性撥備3億美元，英國欺詐案撥備就4億美元，都多過預期，難免令市場擔心。

Jason又指，唔少大行估計集團會重啟回購，但季績冇乜提及，亦冇時間表，投資者就趁股價已喺低位反彈咗唔少止賺離場。