【專家分析】OPEC+成員增產都難推低油價

【Now財經台】國際油價持續高企，紐約期油及倫敦布蘭特期油齊齊企喺每桶100美元樓上，不過，美國總統特朗普(Donald Trump)話，美國好快又會有行動，導致被困霍爾木茲海峽(Strait of Hormuz)嘅中立船隻駛離海峽。此外，7個石油出口國組織及盟友(OPEC+)主要產油國宣布，6月開始會每日增產18.8萬桶原油，呢啲因素可唔可以令油價回落？

高富金融集團投資總監梁偉民指，幾個OPEC+成員國增產未必可以推低油價，因為部分成員國係中東國家，佢哋依家出口仍然受阻，所以增產其實意義唔大，加上增產嘅成員國主要來自非中東，或者進出霍爾木茲海峽冇受限嘅國家，增產數目唔算多，大概每日20萬桶。

Wyman又認為，雖然美伊重啟和談短期有機會傾掂數，但由於前景唔明朗，估計油價仍會高企一段時間，直至中東問題真正解決。