【FINTERVIEW】美伊談判變數多料恒指走勢飄忽(上)

【Now財經台】美國日前預告美伊快將重啟談判，甚至傳出雙方同意延長停火期兩周，美國總統特朗普(Donald Trump)最新話，美伊可能喺今個周末再會面，雖然談判傳嚟正面消息，再埋枱傾嘅日子亦愈來愈近，但點解市場睇法反而傾向負面？港股今早(17日)受壓，恒生指數一度挫近400點，險守26000關。

金馬資本高級交易策略師蘇沛豐指，市場觀望美伊談判結果，可能唔太相信問題可以好快解決，即使可以達成一啲協議，但係咪可以維持落去都係疑問，例如伊朗願意開放霍爾木兹海峽(Strait of Hormuz)，但仍可能隨時又唔准船隻通過。此外，美國及以色列要求伊朗永久放棄核武，相信伊朗唔會輕易答應，所以市場仍有好多疑慮，會繼續觀望事態發展。

Daniel又話，由於股市仍存在負面因素，所以3月份跌得比較急，雖然港股仍未去返開戰前水平，但距離亦唔係太遠，恒指再升約400點就可以收復所有失地，佢估計，若再傳嚟談判相關消息，市場反應可能會比較反覆。