【專家分析】美伊可能再「埋枱傾」油價冇運行

【Now財經台】中東戰事持續，投資者繼續重點關注霍爾木兹海峽(Strait of Hormuz)情況，美國中央司令部封鎖霍爾木茲海峽後，有消息指，頭24小時冇任何船隻通過，其後就有6艘商船按美軍指示順利通過海峽。此外，據《華爾街日報》報道，有20艘船成功通過海峽。呢啲消息點影響金融市場？

泓瀚資本董事盧志威表示，投資者可以留意美伊雙方有咩動作，例如伊朗嘅核心係要將霍爾木兹海峽作為談判籌碼，要求非伊朗嘅船隻畀咗「買路錢」先獲放行，美國嘅核心要係禁止一啲同伊朗夾過嘅國家船隻通過，雙方都有各自嘅盤算及要求。佢又指，亦要留意有冇船隻肯冒險，博唔會被攻擊，直接通過海峽。

William認為，其實唔可能完全冇船隻可以通過海峽，只係依家風險高咗，唔係好多人願意去博。