【槓桿致勝】恒指牛仔坐過夜宜揀...

【Now財經台】港股昨日(23日)遇上「黑色星期一」，恒生指數收市瀉近900點， 好友連續3個交易日加倉逾億元，昨日再有2.7億元資金流入，淡友就連續3個易日食糊 。牛證方面，昨日殺晒一批之後，重貨區下移至24000點，24100點係最多人加倉嘅位置。熊證就以減倉為主，重貨區喺26500點。

大市昨日急瀉見到好友入場博反彈，擺位都擺得幾貼，係咪因為地緣政局持續不確定，市況短期好大機會持續大幅波動？好友入場係咪都不宜太進取，擺位點先會較安全？

胤源世創家族辦公室(香港)第一副總裁黃偉豪指，受美以伊戰事影響，港股近期係比較波動，恒指昨日一度急瀉逾千點，主要係擔心戰事升級，大市昨日跌咗落嚟，想入場用牛仔博反彈，部署時要睇投資者取態，例如想即市食糊，還是想睇多幾日、等彈多幾日，係兩種完全唔同嘅操作。

佢續指，如果做即市部署，博收回價好貼價嘅牛證都冇太大問題，如果過夜就要擺遠少少，牛證收回價可以考24000點樓下會較合適。