【期匯決算】金價短期或於4400美元橫行

【Now財經台】中東局勢發展持續緊張，倫敦金屬交易所(LME)期銅價格今個星期累跌4%，銅價一向被視為一個領先指標，依家銅價下跌有咩啟示？未來會點行？

獨立外匯商品分析師盧楚仁指，銅庫存輕微減少，理論上應該利好銅價，但環球股市不斷下挫，拖累銅價表現，加上各國經濟數據較差，對銅需求相應減少，相信銅價短期會持續弱勢，估計喺每磅4.9美元，即每噸10800美元水平會有支持。

Jasper又話，銅係基本金屬龍頭，一旦價格大跌，其他金屬都會受牽連，現時金價似乎有機會先下試每盎司4400美元，如果之後上唔返5500美元，估計短期會喺4400美元水平橫行。