【Now財經台】今個星期係全球央行「超級議息周」，當中包括美國聯儲局，市場預期將會按兵不動，喺地緣政治緊張及通脹有機會升溫下，點睇議息結果？美息走向亦會影響本港按息水平，2月經絡按揭息率指數(MMI)報3.23厘，按月回落4點子，數據有咩啟示？
經絡按揭轉介首席副總裁曹德明估計，聯儲局今個星期會維持利率不變，全年就要視乎戰事發展，但相信有機會再減息推動經濟，而年中又會換主席，都可能會調整利率。
至於點解MMI輕微回，佢就話，因為部分客人選用定息Plan，按息低過3.25厘，但部分係工商舖寫字樓物業，基本上係Hibor Plan加封頂息，按息就冇咁低，所以平均數係跌咗，所以整體供樓負擔係少咗。
