【專家分析】美國滯脹噩夢重臨？

【Now財經台】美國總統特朗普(Donald Trump)最新指，打撃伊朗軍事目標嘅行動已「基本完成」，暗示戰事可能好快結束，風險資產價格全線應聲反彈，美股3大指數昨晚(9日)全線倒升收市。此外，有「恐慌指數」之稱嘅VIX指數收市亦轉跌。不過，市場仍擔心美國有滯脹(Stagflation)風險，到底美國會唔會出現滯脹，喺呢個陰霾下，邊啲板塊可以受惠？

高富金融集團投資總監梁偉民指，會唔會出現滯脹主要睇油價係咪持續高企，同埋會持續幾耐，如果只係持續1至2周，即使企喺每桶100美元樓上，相信唔會大幅推高通脹，但如果長期企喺80美元以上，甚至接近100美元，若呢個情況持續幾個月，對通脹嘅影響就大好多。

Wyman又認為，喺呢個情況下受惠嘅板塊唔多，始終經濟真係受損，而通脹又升溫，對大部分行業都係負面，唯一諗到可以受惠就係能源股，其次係軍工股。