【中國建設銀行(亞洲) 呈獻:FINTERVIEW】戰亂下內地經濟最忌...(上)

【Now財經台】內地2月官方製造業採購經理指數(PMI)回落至49，非官方PMI就好過預期，升至52.1，點分析今次嘅數據？中東緊張局勢未有降溫跡象，霍爾木兹海峽(Strait of Hormuz)被封鎖影響原油供應，內地經濟會受幾大影響？

金馬資本高級交易策略師蘇沛豐指，現時要留意兩點，首先係基於農曆新年效應，今年1或2月嘅PMI需小心解讀，可能按年比較會有落差，其次要留意官方生產經營活動指數，其實都升至53.2，雖然短期因新年PMI會輕微下跌，但預期數字會擴張，反映企業前景唔會太差。

至於近期地緣局勢對內地濟嘅影響，Daniel話，要視乎原油供應受阻持續幾耐，一旦油價持續飆升，對企業成本以至整體經濟影響都大，雖然現時局勢唔明朗，但根據過往經驗，地緣政治因素嘅影響會較短暫，因此，估計恐慌情緒本周可望逐步紓緩。