【槓桿致勝】亂局下恒指牛熊證點擺位？

【Now財經台】恒生指數喺昨日(2日)3月開局瀉逾500點，好倉資金轉為流入，淡倉就轉為流出，牛證重貨區喺25800點，熊證重貨區就下移至26500點。地緣政局升溫持續影響投資氣氛，好淡友都揀到最貼，策略上有咩建議？

胤源世創家族辦公室(香港)第一副總裁黃偉豪指，依家全球市場都受地緣局勢影響，雖然港股今日(3日)有得彈，但相對昨日(2日)嘅跌幅，反彈力度都比較弱，反映對後市都唔係太樂觀。

佢又話，點解投資者牛熊證擺位擺得咁貼？首先係抱博一博嘅心態，佢建議要以小注為主，始終有收回風險，熊證收回價擺位可以考慮26800至27000點會較合適，牛證就可以擺25500點樓下。