【專家分析】地面部隊對股市殺傷力唔及油價

【Now財經台】伊朗局勢急升溫，美以針對伊朗嘅軍事行動持續，伊朗亦作出反擊，包括向區內多個能源設施施襲，美國總統特朗普(Donald Trump)最新表示，唔會完全排除派出地面部隊嘅可能，如果真係咁做係史無前例。不過，納指及標指昨晚(2日)收市仍可倒升，係咪反映戰事影響初步可控？

高富金融集團投資總監梁偉民指，派唔派地面部隊的確會影響中東局勢，但投資市場最關注始終係油價，而現階段估計派地面部隊嘅機會唔大，但如果出動地面部隊能成功控制伊朗局面，市場當然唔會覺得係壞事。佢又認為，依家油價唔穩定仍會帶嚟好大風險，未來仍有機會上到每桶80美元樓上。

Wyman又話，雖然美股昨晚(2日)止跌回升，但只要油價仍向上，相關風險及憂慮仍然存在。至於資金昨晚喺低位吸納無人機、國防及科技股，而有「恐慌指數」之稱嘅VIX都只係升到約21，佢指出，其實昨晚只得美股可以止跌，反映美股只係一個「異類」， 又話...