【期匯決算】大戶逢高減倉不利銀價破頂

【Now財經台】貴金屬價格1月底單日暴跌後，2月出現反彈，期金及期銀最少彈10%，兩者走勢其實差唔多，但黃金又唔少基本因素支持，值博率係咪較白銀高？

獨立外匯商品分析師盧楚仁認為，都要視乎情況，若為咗避險，黃金功能毋庸置疑，如果受地緣政治因素影響，買金係穩陣過銀。佢續指，銀價通常會跟金價升，有時甚至升得更多，如果屬進取型投資者，睇好銀價升幅會繼續跑贏金價，就可以買白銀。

不過，Jasper提醒，每次銀價升至高位時，都會有大戶減倉，佢都擔心之後都會有同樣情況，因此，雖然銀價後市樂觀，但係咪可以再創新高仍然係未知數。