【名家給力場】港股3月要小心「AI黑天鵝」？(上)

【Now財經台】港股今日(27日)升得唔錯，但恒生指數2月埋單好大機會要跌近3%，科技指數更累跌近10%，錄得2024年1月以來最大單月跌幅。今年以來，資金為補捉人工智能(AI)浪潮，由中資科技巨頭轉投AI新力軍、純AI營運商，同埋傳統股，展望3月，呢個勢頭會唔會持續？

勝利證券首席顧問陳建良指，今年本地地產股處於復甦階段，銀行股亦升咗唔少，市場反而開始擔心點解中國科技發展得快，但科指仲要跌，主要係內地科企開始「內捲」，又認為科企「內捲」好難停止，所以科技股係情有可原。

對於AI新力軍及純AI營運商，KL認為呢股熱潮會慢慢消退，佢又認為，最近上市嘅新股已經唔及年初啲，依家競爭已經非常激烈，令人擔心又出現「內捲」，因此，佢唔睇好3月至4月初市況。