【名家給力場】美股靠3類股份頂住(上)

【Now財經台】近期外圍市況波動，雖然美股及軟件股昨晚反彈，但標指今年以嚟只係原地踏步，跑輸唔少環球主要股市指數，點睇美股依家嘅弱勢？

「股市漁夫」創辦人莊志雄指，美股由上年開始已經跑輸其他市場，今年情況再差啲，指數亦冇乜表現，多個板塊都跌得好勁，尤其係「科技7雄」(Magnificent 7)、軟件股，依家只係靠半導體、軍工及防守股頂住個市，佢相信呢個情況會持續。

Lewis又話，依家嘅情況反映投資者開始將焦點放返喺估值上，亞太區股市、新興市場靠盈利增長推動股價及指數向上，而美股估值已經好貴，唔能夠再炒高，相比之下，亞太區股市、新興市場更加吸引投資者。