【專家分析】美軟件股賣咗先「逃亡潮」完結？

【Now財經台】Anthropic宣布推出新人工智能(AI)工具，並同多家金融機構、企業軟件公司，聯手開發唔同場景應用嘅工具，消息刺激近期重挫嘅軟件股反彈，值得留意係，其實今次同集團旗下嘅法務AI工具係同一樣嘢，點解市場反應又冇咁誇張？

泓瀚資本董事盧志威指，對軟件公司嚟講，今次主要都係一個合作模式，而唔係要取代，市場就覺得啱聽啲及安心，一開始時軟件股係畀基本因推低，如果繼續行代工模式，程序員會首先被取代。

William又話，如果可以多於代工，例如有IP、網絡安全機制等，相信軟件股之後唔會好似依家咁被一窩蜂拋售，可以回復至冷靜分化嘅情況，佢相信，呢一波唔係金融海嘯，而係產業轉移，客戶慢慢轉走，令企業價值及前景有變，建議投資者要小心分清利害。