【中國建設銀行(亞洲) 呈獻:FINTERVIEW】美CPI反映特朗普遏油價係啱？(上)

【Now財經台】美國上周五(13日)出咗1月消費物價指數(CPI)，按年升2.4%，升幅較去年12月有所放緩，亦低過預期，核心CPI升幅亦放緩至2.5%，係近5年最小。值得留意係，期內汽油價格大跌逾3%，呢部分亦係通脹降溫嘅功臣之一，係咪反映美國總統特朗普 (Donald Trump) 壓低油價嘅政策有效？

資深經濟學家林樵基指，油價依家喺低位上落，由於美國耗油量高，所以價格下跌對遏通脹會有幫助，不過，政策係咪成功都受地緣政治影響，始終全球經濟仍有陰霾，今年反而會擔心供過於求，呢個亦係油價喺低位徘徊嘅原因。

Benny又預期，美國未來耗油量會減少，對通脹嘅影響較大，加上經濟環境唔係太好，預期整體通脹會持續向下。