【專家分析】就業數據爆冷聯儲局上半年難「撳掣」

【Now財經台】美國非農就業數據昨晚(11日)出爐，新增就業人口13萬，遠高於市場預期嘅6.5萬，數據一出，市場對減息時間嘅預測又再推遲，點評估聯儲局未來嘅減息時間？數據點影響美元走勢？

東亞證券高級投資策略師陳偉聰指，雖然非農數字遠超預期，但就業數據仍比較分化，能源價格、油價跌勢喘定，甚至出現輕微反彈，相信通脹要進一步向下或多或少會有阻力，短期要更進取咁減息，難度比之前更大。

Jason又估計，美國今年將會減息2至3次，同市場預期差唔多，但聯儲局減息空間會更大，預期最快6月會再出手，債市方面，佢認為市場對美元資產嘅擔心「過咗龍」，相信美元中期會持續偏弱。