【專家分析】AI股「搬錢走」唔止1個原因

【Now財經台】美股3大指數造好，經歷上星期一輪調整後，暫時企返穩，但科技股近期面對資本支出(CapEx)太大嘅質疑下，股價大幅波動，科技股昨晚(9日)又彈返上嚟，話資金轉投科技股以外板塊係咪言之尚早，後市點睇？

高富金融集團投資總監梁偉民指，後市發展要睇市場氣氛，科技股出現調整除質疑資本開支太大外，更擔心最後可唔可以收回成本，帶動盈利上升，科企依家瞓身投資人工智能(AI)，例如大模型開發，但技術幾時可以變現仍然係未知之數，當市場情緒比較中性或悲觀時，呢個憂慮就更嚴重。佢又指，亦要留意會唔會出現算力供應過剩嘅情況，又提醒今年要審慎部署。

Wyman續稱，依家見到有資金輪動嘅情況，今年道指及部分傳統板塊，例如工業、能源都跑贏納指，但佢質疑傳統股升勢係咪有足夠基本面支持，又認為呢輪升勢未必可以延續到年底。