【期匯決算】咖啡期貨短線宜睇淡

【Now財經台】阿拉比卡咖啡期貨今個星期跌至6個月低位，全周累跌逾7%。由於全球主要出口國巴西天氣好，預期供應將會增加。與此同時，美國總統特朗普(Donald Trump)周二(3日)喺白宮首次同哥倫比亞總統佩特羅(Gustavo Petro)會面，兩國緊張關係似乎降溫。現時哥倫比亞係全球第3大咖啡生產國，消息會唔會間接拖累咖啡期貨價格？

獨立外匯商品分析師盧楚仁指，之前因為擔心美國同哥倫比亞關係緊張，導致咖啡價格高企，但依家已開始下跌，佢又認為，喺呢個情況下，只要咖啡豆供應充足，阿拉比卡咖啡價格就有下跌壓力，又提醒要留意超賣及反彈再跌嘅情況，短期宜睇淡。