【名家給力場】亂局買美股內需股？

【Now財經台】美股3大指數昨晚都要跌，其中，納指已連跌3日，今年更由升轉跌，雖然美國經濟有轉差跡象，地緣局勢又不穩，但內需股相對強勢，呢類股份係咪值得跟進？

冠域商業及經濟研究中心主任關焯照博士認為，其實已經有部分資金轉戰內需股，例如Dollar General呢類有折扣嘅舖頭，股價其實一直有得升，Johnson & Johnson亦升咗唔少，而GAP更升上近期高位。

關博士解釋，呢啲都係消費及醫藥股，如果有資金流入，喺股市震盪時一般都會升，佢又話，內需股其中一個賣點係有好高防守力。