【名家給力場】走勢陷阱？美元轉強要更小心(上)

【Now財經台】美國總統特朗普(Donald Trump)提名沃什(Kevin Warsh)出任聯儲局下任主席，消息公布後，美元回穩，但科技、軟件類股就急挫，如果要分析後市，最重要睇咩因素？

「股市漁夫」創辦人莊志雄指，目前睇美匯指數有一個走勢陷阱，係假跌破，特朗普上一個任期當中，美匯首280個交易日都係跌，而到今次，今星期啱啱夠280日後，美匯又上返趨勢線，相信主要係流動性問題。

佢又話，美國流動性偏弱唔係第一次，2019年當時都出現同樣問題，而今次主要因為政府停擺，令TGA抽走咗部份流動性，假設美匯今個星期轉強，代表市場要更小心，因為波動性增加咗。