【專家分析】美股AI硬件股只買呢隻

【Now財經台】美國晶片巨企AMD出咗上季業績，純利按年勁升2倍至約15億美元，不過，股價昨晚(3日)喺美股收市後延長交易時段大跌近8%，情況同之前嘅英特爾(Intel)一樣，到底係咩原因？

潤淼資產管理董事盧志威指，AMD業績係冇問題，但市場依家普遍對大型科技股睇得遠啲，而近期嘅消息都對硬件類股份不利，例如英偉達(Nvidia)本來最多向OpenAI投資1000億美元，但之後開始策略性縮水。

William又話，呢啲消息令本身推動緊資本開支嘅公司都會手緊咗，依家市場嘅樂觀情緒未必維持到好耐，佢認為，硬件類股份除咗Intel可以睇好外，其他幾隻都有下跌風險。