【槓桿致勝】恒指牛熊證點擺位？

【Now財經台】恒生指數今朝(3日)高開逾200點，其後一度重上27000關，但之後又跌過，好倉連續兩日有資金流入，淡倉就連續5日有資金流出，但5日合計，仍有近2.5億元坐貨。此外，牛證重貨區下移至26400點及26300點，熊證重貨區就喺28300點，最多人加倉係27300點，恒指過去兩日累跌逾千點，依家阻力位喺邊？牛熊證點擺位？

胤源世創家族辦公室(香港)第一副總裁黃偉豪指，恒指暫時走勢偏弱，始終上個月衝得有啲急，依家出現調整，短期阻力睇27000點，呢個亦係下跌裂口，如果上唔返27000點，投資者短線就要小心。

Ravi又指，熊證收回價擺28000點樓上冇問題，如果博大市唔會再大跌，甚至有反彈，牛證收回價可以擺50天線以下，即26200點以下。