【專家分析】炒白銀要睇實內地資金流

【Now財經台】之前崩盤嘅金價及銀價，喺今朝(3日)亞洲交易時段反撲，現貨金價一度彈逾3%，升穿每盎司4800美元，現貨銀價更彈逾5%，衝破83美元，之前連日插水，主要係投資者調整倉位，尤其係短炒白銀嘅投資者，倉位退返出嚟之後，金價及銀價後市會點行？

高富金融集團投資總監梁偉民指，金價暫時低位喺4500至4600美元水平，雖然金價近期出現較大調整，但資金冇明顯流走，反映黃金利好因素比白銀多。

Wyman又指，炒作白銀嘅資金主要來自內地，現時國內銀價較國際市場銀價有逾20元美元溢價，反映國內投資者對白銀睇法樂觀，投資者不妨留意未來兩星期內地嘅情況，如果資金繼續湧入就冇問題，相反，若投資者散水，要小心白銀再調整，而且幅度可能好誇張。