【名家給力場】「港股釣魚第一股」未必釣到大魚？

【Now財經台】上周六(1月31日)起開始招股嘅樂欣戶外(02720)，主要賣釣魚櫈及其他配件，係全球最大釣魚裝備製造商，集團今次發售約2820萬股，招股價上限12.25元， 集資最多3.45億元，每手500股，入場費逾6186元，呢隻新股抽唔抽得過？

《香港股票財技密碼》作者梁杰文認為，雖然集團自稱行業龍頭，全球市佔率逾30%，不過，樂欣財務業績比較波動，旗下業務都係以代工為主，冇自家品牌。估值方面，公司市盈率(PE)逾20倍，唔係特別貴或平，更重要係，港股市況持續轉差，可能令樂欣吸引力減少。

Mike又提醒，即使樂欣IPO採用機制B，不設回撥，股價升幅都會因行業規模細，同埋近期市況差而受壓。