【期匯決算】歐元打底後再發力上衝

【Now財經台】美元貶值，歐元一度衝上1.2樓上，升穿2018年以來嘅8年阻力，算唔算係假突破？還是歐元都有條件站上1.2樓上，甚至更高水平？

獨立外匯商品分析師盧楚仁指，美元向下突破長期支持位，肯定係不利，但會帶動歐元不斷破位向上，歐元後市或可借助美元今輪跌勢反彈，因為歐元喺美匯指數佔比最大，如果美元弱，歐元後市應可睇高一線，

Jasper續指，依家歐元喺1.19水平打緊底，一旦失守1.19，下一個關鍵位係1.18，歐元可以先喺呢個範圍打底，之後再發力向上，加上睇歐洲央行嘅貨幣政策，都幾肯定息口已經見底，意味已經冇減息壓力，一定利好歐元。