【名家給力場】非指數成分股今年港股黑馬？(下)

【Now財經台】港股今年1月開局表現強勢，恒生指數之前連升7個交易日，更一度衝破28000關，大市今日(30日)顯著回落，到底依家港股市況係咪健康？

勝利證券首席顧問陳建良指，恒指今個月一度抽穿去年高位，所以回套都係預咗，佢估計，恒指會落返27000點水平，會先進行調整，其實大市升下跌下，又識得回套，反而唔會太快消耗晒升市動力。佢又話，睇返恒指1月走勢，雖然有得升，但未算升得太急，所以市況仍然健康，又估計1月低位有機會係全年低位，但仍建議投資者喺2月、3月唔好太進取。

KL又提及，今年市況可能有1個「特色」，可能未必由最熟悉嘅大型成分股領跑，反而一啲非指數成分股有機會跑出，並留意一啲有基本面支持，或有結構性優勢嘅板塊，因為呢啲股份嘅表現可能更突出。