【名家給力場】美佳音炒易主要小心因為...

【Now財經台】美佳音控股(06939)獲內地集成電路設計公司「極海中國」(Geehy International)入主，集團控股公司「納思達」向3名股東收購40.67%股權，涉資1.05億元，美佳音今日(26日)復牌一度炒高逾1.6倍，點睇呢單Deal？

《香港股票財技密碼》作者梁杰文認為，國家集成電路產業係美佳音今日復牌大升嘅主因，佢續指，今次買方只係購入40%股權，原有大股東保留一定持股，相信係公司睇好未來股價表現，並相信可產生協同效應，令未來打印機晶片研發事半功倍，所以股價可睇高一線。

Mike提醒，呢單交易仍未落實，買階段買入須有先決條件，亦要注意風險，佢估計，美佳音股價未必會再大幅飆升，甚至補回裂口，估計未來2、3個月會喺1元邊緣浮沉，未來可唔可以重上高位，就要睇納思達嘅後續部署。