【名家給力場】富中證券睇中LFT個殼？

【Now財經台】本地券商股LFG投資控股(03938)今早(12日)復牌，雖然深圳券商富中證券以大折讓價收購，但股份今日復牌一度飆逾1.5倍，高見3.76元。富中證券本身已持有部分牌照，今次收購LFG係咪睇中港股喺2025年，不論成交及新股市場都十分熾熱？

《香港股票財技密碼》作者梁杰文認為，兩者確實有關聯，隨著港股成交急增及內地資金重新活躍，資金一定會搵新投資機會，對收購券商嘅買家嚟講，可以話係「一石二鳥」，因為買方購入嘅唔止係一個殼或上市地位，以及牌照或客戶基礎外，更有利業務轉型或資產增值。

Mike又話，LFG知名度唔算高，同埋公司持有嘅6號牌未必可以顯著帶動IPO業務，今次收購唯一解釋係買家更睇重佢嘅上市地位。佢續指，如果以陰謀論角度分析，買家可能市旺買個殼，當係一個炒作嘅投資機會，帳面上隨時已大賺幾倍。