【專家分析】Trump叫唔回購唔派息照揸軍工股？

【Now財經台】美國總統特朗普(Donald Trump)計劃2027年將美國軍費，由1萬億美元增至1.5萬億美元，並指要軍工企業停止做股份回購及派息計劃，要求將資金投入喺生產及研發，喺呢個情況下，點睇軍工股投資前景？對呢類股份有興趣嘅投資者應該點部署？

艾德金融投資執行董事文錦輝指，除美國外，歐洲及日本都增加軍費開支，又指軍工股行情仍然唔錯。

Felix又話，其實喺環球投資市場中，軍工股係人工智能(AI)相關股以外，前景仍然偏好嘅股份，又提醒投資者喺關注美國或環球軍工股嘅同時，都可以多留意相關周邊業務。

他續指，唔使擔心軍工股2026年開局有啲調整，並相信環球局勢喺今年第1季唔會出現巨變，之後就要留意美國聯儲局月底議息後，呢類股份嘅走勢。