【專家分析】黃金 VS 白銀

【Now財經台】地緣緊張局勢一波未平一波又起，繼突襲委內瑞拉生擒總統馬杜羅(Nicolas Maduro)夫婦後，白宮公開話，總統特朗普(Donald Trump)指唔排除使用武力奪取格陵蘭。喺地緣局勢動盪下，貴金屬嘅避險功能顯得更重要，摩根士丹利估計，金價喺2026年第4季有望升至每盎司4800美元，黃金及銀都係熱門產品，投資者應該點揀？

泓瀚資本董事盧志威指，地緣政治不穩一定利好貴金屬價格，又認為黃金比銀更值得投資，由於銀價喺2025年已升咗逾1.4倍，累積太大升幅，今年再大升嘅機會唔大，而黃金嘅特性更能應對突發事件，所以黃金比銀更可取。