【專家分析】南京熊貓喪炒扭虧憧憬？

【Now財經台】南京熊貓電子股份(00553)有參與腦機接口技術嘅多模態人機交互系統集成關鍵技術，股價今日(5日)一度勁升近50%，高見7.22元，集團本身有3大業務，分別係智慧交通與平安城市、工業互聯網、智能製造，值得留意係公司由2023年開始蝕錢，2025年首9個月仍蝕約9000萬人仔，今日係咪亂炒，還是真係有炒作原因？

高歌證券金融首席分析師聶振邦估計，AH股折讓嘅上升誘因較大，南京熊貓A股今日(5日)冇乜點升，但H股就升得好勁，加上腦機接口新業務由2025年6月開始逐步發展，令市場對公司扭虧有憧憬。

聶Sir又指，現時腦機接口或有助癱瘓病人，透過電子儀器進行思想表達，若配合多模態，更有機會可以控制輪椅及機械臂，幫到日常生活。