【專家分析】美股2026年或出現「AI黑天鵝」

【Now財經台】環球股市陸續「收爐」，美股都進入最後倒數，經歷3年牛市後，標指由唔夠4000點，升到昨晚(30日)收市嘅6896點，累升逾72%，但仍有唔少大行睇好2026年表現，普遍預期標指可以升上8000點，點睇呢個預測？明年有冇潛在「黑天鵝」事件？

東亞證券高級投資策略師陳偉聰指，展望2026年，標指上半年有機會見7500點，下半年就要留意美國總統特朗普(Donald Trump)喺中期大選前有咩動作，其中1個關鍵變數係中美關係。

Jason續指，「黑天鵝」事件方面，要留意個別人工智能(AI)公司高槓桿及融資問題，又提醒投資者要關注違約風險。